Die Vergeet my nie-aktrise Kenley Swart is verloof ná haar kerel, James-John Matthee, haar onlangs die ja-woord by hul “plekkie” op ’n plaas in Stellenbosch gevra het.
“My hart is so vol. Dit verander niks aan ons liefde nie, maar dit maak my meer opgewonde oor die toekoms en nog meer dankbaar en bewus van elke mooi oomblik in die hede,” vertel Kenley aan SARIE.com.
“Ek is versot op my ring!” sê sy opgewonde oor die verloofring met ’n Moss Agate-steen. “Ek het nog altyd geweet ek is nie noodwendig ’n diamant-persoon nie, en van die eerste oomblik wat ek Moss Agate-stene gesien het, was ek mal daaroor.”
