“Dit was baie lekker. Dit was baie lekker om so op ’n naweek af te sluit en te weet, dit is nou die laaste bulletin. Die tydsberekening was goed,” vertel Daniëlla wat nou reeds 33 weke swanger is.
“Dit begin nou daai punt raak waar ’n mens ’n bietjie ongemaklik raak, en sukkel om in klere in te pas,” lag sy.
Daniëlla en haar span se redakteur het besluit dit is nou die tyd vir haar om met kraamverlof te gaan, al kom die baba eers 8 Maart. “Tegnies kan sy enige tyd van nou af kom. Ons hoop nie so nie, maar ek kan nie op die nuusleser-rooster wees, en dan is daar ’n situasie waar ek nie meer beskikbaar is nie.”
