“Ek het eintlik ’n kans gevat,” verklap Erns, wat verlede jaar op 16 Junie (Jeugdag) vlugtig vir Thuli ontmoet het. “Dit was tydens ’n social justice walk tussen Stellenbosch en Pniel wat deur Visit Stellenbosch en Dwarsrivier Tourism, in samewerking met die Pelgrimstog van Hoop, aangebied was.”
Daardie dag het Erns sowat een kilometer saam met Thuli gestap. “Ek het baie lekker met haar gesels. Haar nederigheid en vermoë om werklik te luister, het my baie beïndruk,” vertel hy.
Erns het daardie dag besef Thuli is baie lief vir stap en hy het haar vroeër vanjaar gekontak om te hoor of sy ’n gas op Elders sal wees. “Toe stem sy in! Haar program is baie vol, maar ons kon ’n Saterdagoggend vind wat haar dagboek en ons produksie se skedule gepas het.”
