Simoné, wat daarvan hou om besig te bly, vertel dit gaan fantasties met haar. Sy is tans besig om aan haar loopbaan as prokureur te bou, help ’n kerk op kontrak-basis met hul musiek en is ’n F45-fiksheidsinstrukteur.
Sy het ook onlangs vir die eerste keer ma geword. “Ons voel bederf met klein Somer. Sy is ’n absolute vreugde!” vertel Simoné.
Dit verbaas haar dat sy ma-wees so baie geniet. “Ek is mal oor haar opgewonde laggie wanneer sy my sien as ek haar gaan haal in haar kot en haar geselsies . . . Elke dag is daar ietsie nuuts!”
