Sy sal altyd bly wees sy het die kans gevat om in te skryf vir SARIE se gesogte Voorbladgesig-kompetisie. “Dit was ’n ongelooflike geleentheid en ek het so baie van myself deur die proses geleer,” vertel sy.
As tale-onderwyseres is Ané passievol oor die onderwys. “Ek leer soveel van die kinders in my klas, terwyl dit eintlik my werk is om vir hulle iets te leer. Hoe vervullend is dit nie?”
Vir haar is die lekkerste, maar ook somtyds die uitdagendste deel van haar werk om daagliks met ’n wye verskeidenheid van kinders te werk. “Elkeen het hulle eie persoonlikhede, agtergrond en stadium van ontwikkeling.”
