Early B vertel die ding wat hy die meeste geniet, is om in die kombuis te wees en nie die een is wat kook nie. “Ek sien regtig ook uit na wat die nuwe deelnemers na die tafel toe kan bring!”
Dit was vir hom lekker om met hierdie week se wenspan, Mara en Reze-Astrid, te werk. “Ek’s trots dat al die deelnemers sover die moed gehad het om deel te neem en hulself geniet het. Die wenners kan trots wees op hulself en die ander spanne moenie ophou kook nie! Hierdie is net die begin!”
Toe die vervaardigers hom genader het om deel te word van die program, was Earl dadelik opgewonde. “Ek het, sommer van die begin af, van die hele konsep gehou. Solank ek net nie hoef te kook nie, was dit goed met my.”
