Dewald vertel die lewe is tans ’n lied vir hom. “Soos die gesegde lui: I’m living the dream! Ek is totaal en al mal oor die buitelug, buitelewe en avonture en om dit vir ’n gedeelte van die jaar my werk te kan noem, is net ’n voorreg! Ek sien myself as baie blessed.”
Hy en sy span is tans besig met die verfilming van die laaste paar avonture van die nuwe Mal kamper TV-reeks en hy is op pad na St. Helena-eiland vir ’n paar aksiebelaaide dae van voetslaan, hengel, skubaduik, kamp in die berge. “Ons gaan ’n nuwe bestemming van hoek tot kant verken.”
Min mense glo vir Dewald as hy vertel hy is eintlik ’n introvert. “Seker omdat ek so baie praat op die show,” lag hy. “Maar ek is eintlik ’n huishen wat lief is daarvoor om by die huis te wees en saam met my vrou, Sylvia, te kuier en rustig te wees.”
