Carlien vertel sy het ’n besige paar maande agter die rug. Sy het onlangs na Kaapstad verhuis en kan nie wag vir die nuwe avontuur nie! “Hier is soveel mooi om te sien en te beleef!”
Haar SARIE Voorbladbesig-ervaring is ook iets wat sy vir niks sal verruil nie. “Ek het wonderlike mense ontmoet en sal altyd elke oomblik koester.”
Carlien, wat ’n mediese dokter is, vertel sy is steeds baie passievol oor haar werk. “Mense het mekaar altyd nodig. Dit is vir my wonderlik en ’n voorreg om daar te kan wees vir iemand en hulp te bied in ’n tyd van nood.”
