“Ek drink baie water, oefen gereeld en kry ten minste agt ure se slaap in. Moenie die krag van ’n glimlag onderskat nie, want gelukkige vroue is die mooiste vroue!”
Wendy vertel haar lewe is op die oomblik ’n wonderlike tipe chaos! “Die SARIE-Voorbladgesig-kompetisie was ’n hoogtepunt van my jaar, eintlik van my lewe – saam met trou en kinders kry.”
Sy vertel die ervaring het haar soos ’n koningin laat voel. “’n Mens raak so maklik verlore in die rol van vrou- en ma-wees. Hierdie ervaring was oor my en om skielik op die ouderdom van 52 die spotlight op my te hê, en om so bederf te word . . . dit was ongelooflik en ’n lekker selfvertroue-boost.”
