Vanes-Mari is van vandeesweek af te siene op VIA se Die groot afskud – ’n kompetisiereeks waar ses deelnemers spook om die vetjies te laat wegsmelt.
“Dit is nie net ’n gewigsverliesprogram nie, maar meer van ’n leefstylverandering wat die deelnemers ondergaan,” verduidelik sy.
Volgens haar is dit ’n baie beproewende tydperk vir die deelnemers, maar ook baie lonend. Daar is twee spanne en die span wat gesamentlik die meeste gewig verloor, stap met ’n groot kontantprys weg, wat verdeel word tussen die lede van die wenspan.
