Daar sal selfs oor die kleinste dingetjie wat hy en Meghan doen, of dit nuuswaardig is of nie, geskryf word. Dié swart skaap van die koninklikes trek juis die aandag af van die ander sondiges in sy uitgebreide familie en gee hulle baiekeer ruimte om asem te haal.
En ja, die prins se boek, SPARE, het venynige kommentaar ontlok, veral in Brittanje waar koning Charles, Harry se pa, nog besig is om sy voete te vind ná die afsterwe verlede jaar van sy ma, koningin Elizabeth.
Die stories in die poniepers fokus steeds daagliks op die sogenaamde skokkende onthullings wat Harry in sy memoires van meer as 400 bladsye gemaak het. Maar moenie met vooroordeel na Spare kyk nie, daar is veel meer in dié boek, as die negatiewe kommentaar wat so luidkeels en eensydig verkondig word.
