Stella Bennet van die plaas Ommekeer in die Oos-Vrystaat se drie dogters se soeke na innerlike vrede en vertroue in hulself kan nie begin voordat hulle hul eie verlede in die oë kyk, erken en verwerk nie.
Julia word daagliks verbaal en emosioneel mishandel in haar liefdelose huwelik. Sy moet uit die huwelik wegbreek, maar sal Karel, haar man, haar laat gaan?
Pauli keer as onderwyseres na haar tuisdorp terug. Hier sien sy egter vir Martin, haar eerste kêrel, amper elke dag. Voor sy nuwe liefde kan vind, moet sy eers uitpluis wat tussen haar en Martin verkeerd geloop het.
