Tee of warm suurlemoenwater gemeng met heuning word van toeka af gebruik om ’n seer keel te streel. Maar heuning op sy eie kan met jou hoes klaarspeel.
Dit kan boonop net so doeltreffend soos oor-die-toonbank-medisyne wees. En is veral nuttig vir kinders wat nie oud genoeg is om medisyneprodukte te neem nie.
Moet dit egter nie vir ’n baba jonger as ’n jaar gee nie. En hoewel jy dalk gehoor het “plaaslike” heuning kan help met allergieë, ondersteun studies dit nie.
