Hoenderpeperpastei

akkreditasie
FOTO Michael le Grange
FOTO Michael le Grange
Kleintyd was ek dol oor pepper steak pies. Die brandsensasie het my laat glo ek eet iets eksoties! Hier is ’n weergawe met hoender.

Genoeg vir 6

  • 45ml olyfolie
  • 2 uie, fyngekap
  • 2 knoffelhuisies, fyngekap
  • 200 g bruin sampioene, fyngekap
  • 1 kg ontbeende hoenderdye (sowat 30 stukkies)
  • 60 ml koekmeel
  • 2 takkies tiemie
  • 200 ml bier
  • 500 ml hoenderaftreksel
  • 30 ml groenpeperkorrelssout en varsgemaalde swartpeper
  • 2 x 500 g-rolle broskors (shortcrust), ontdooi
  • roosmaryn vir garnering

Verhit olyfolie in groot pot tot warm. Voeg uie, knoffel en sampioene by en roerbraai 5-8 minute of tot sampioene goudbruin is. Rol hoenderdye in meel en voeg by sampioene. Braai nog 2-3 minute. Voeg tiemie, bier, aftreksel en peperkorrels by. Verlaag hitte en laat mengsel stadig prut tot dik romerige sous vorm – roer elke nou en dan. Geur goed met sout en peper. Laat mengsel afkoel tot koud. Verhit intussen oond tot 180 °C. Spuit ’n kolwyntjiepan met ses holtes (volume 250 ml elk) goed met kleefwerende kossproei. Sny 12 sirkels uit broskors wat groot genoeg is om holtes te voer. Voer die 6 holtes uit met die helfte van die sirkels. Skep vulsel in uitgevoerde holtes. Plaas tweede deegsirkel bo-op vulsel en seël dig. Bak 25-30 minute of tot gaar. Garneer met vars roosmaryn en sit voor.

JONGSTE UITGAWE

Maart/April 2022

JONGSTE UITGAWE
SARIE is dié glanstydskrif van die Afrikaanssprekende vrou van Suid-Afrika.
Begin lees
Nuusbriewe: Registreer gratis

Registreer vir ons nuusbrief en bly op hoogte van die jongste SARIE-nuus.

Klik vir nuusbriewe
SLIMMER MET SARIE

Tuiskokke, raak slimmer met SARIE!

SLIMMER MET SARIE
Skerp jou vaardighede op met Herman Lensing se kookkursus.
Sien meer
SARIE BRUID: (VER)KOOP MY ROK EN ANDER DIENSTE
SARIE BRUID: (VER)KOOP MY ROK EN ANDER DIENSTE
Splinternuut! Nou kan jy ander bruide inspireer met jou trourok, -produk of -diens. Of inspirasie vir jou droomtroue binne die SARIE-wêreld kry.
Begin lees