Spuit ’n mikrogolfbestande tertbak van 20 x 18 cm en minstens 3 cm diep (of gebruik individuele bakkies soos ons) goed met kleefwerende kossproei. Meng koekiekrummels en botter en gooi in voorbereide bak. Druk kors stewig vas met die agterkant van ’n eetlepel. Meng jogurt en kondensmelk in ’n groot mengbak. Skep oor koekiekors en smeer gelyk. Mikrogolf op hoog vir 5 minute. Laat staan in mikrogolfoond vir 5 minute en laat dan afkoel in yskas vir minstens 2 uur. Sit voor met bloubessies.
