genoeg vir 2
40 ml olyfolie
2 uie, gehalveer en in skywe gesny
1 knoffelhuisie, fyngekap
sout en varsgemaalde swartpeper
2 pitabrode
45 ml crème fraîche (suurroom)
250 ml oorskiet-lamsboudstukkies
6 vars takkies tiemie
olyfolie vir oorsprinkel
6 radyse, in dun skyfies gesny
Verhit oond tot 180 °C. Verhit olyfolie in pan. Voeg uie by en roer 1 minuut. Voeg knoffel by en maak pan toe met deksel. Laat uie braai tot sag en deurskynend. Haal deksel af en geur met sout en peper. Laat afkoel. Plaas pitabrode op ’n bakplaat. Smeer crème fraîche dik op elke pitabrood. Skep uie bo-op, gevolg deur lamsboudstukkies. Plaas vars tiemie bo-op en sprinkel bietjie olyfolie oor. Plaas in oond en bak 10 minute. Haal uit en sprinkel radyse oor. Garneer met vars tiemietakkies (opsioneel).
