genoeg vir 24
Plaas vleis, aftreksel en naeltjies in groot pot en bring tot kookpunt. Kook tot vleis sag en fyn is – dit moet letterlik uitmekaar val. Skep vleisblokkies met gaatjieslepel uit aftreksel en maak fyn met ’n vurk – hoe fyner, hoe beter. Meet 500 ml af van die aftreksel waarin die vleis gekook is. Gooi die res weg of vries vir latere gebruik. Verhit middelslagpot oor hoë hitte tot warm. Voeg botter en uie by en braai vir 2-3 minute of tot uie begin verbruin. Roer koekmeel en neut met draadklitser by tot meel alles geabsorbeer het. Gooi aftreksel wat jy eenkant gehou het op een slag by en roer tot gladde witsous vorm. Hou aan roer vir 2-3 minute. Voeg fyn beesvleis by en geur goed met sout en peper. Skep mengsel in ’n vlak bak en smeer gelyk. Laat afkoel in yskas. Plaas intussen meel, eier en broodkrummels in aparte bakke. Klits eiers. Skep happiegroot lepels van afgekoelde mengsel en rol in balletjies. Doop elke balletjie eers in meel, dan in eier en laastens in krummels. Verhit olie tot warm en diepbraai bitterballen tot goudbruin. Dreineer op kombuispapier. Sit warm voor met mosterd.
