DEUR Amaria Carstens FOTO’S Katinka Bester van Hero Creative Management MODESTILIS Magdel Muller
Uit katoen en tou kom skeppings wat jou twee keer laat kyk. Amanda Laird Cherry van Kaapstad speel met plooie en bande vir interessantheid, en Katherine-Mary Pichulik van Pichulik, ook van die Kaap, meng tou en halfedelstene vir haar bonkige juweliersware.
Clive Rundle van Johannesburg verras al vir jare en keer op keer modeliefhebbers met sy unieke ontwerpe. Ingewikkelde struktuur en besonderse detail is sinoniem met sy uitrustings.
