“Dit maak soveel finansiële sin om ’n ‘savvy shopper’ te word wat pryse vergelyk in verskillende winkels, lojaliteitskaarte tot jou voordeel gebruik en soms, wanneer dit sin maak, in grootmaat te koop om geld te spaar,” sê Shafeeka Anthony, bemarkingsbestuurder van JustMoney.
“Jy kan ook geld spaar deur kos en drank aanlyn of via apps op jou foon te koop,” meen sy.
Só bespaar jy op petrol en parkeerkostes en vermy jy die versoeking om goed te koop wat jy nie werklik nodig het nie. Baie webtuistes en apps het ook aanlyn aanbiedinge en ekstra besparings wat jy nie in die fisiese winkels kry nie.
