Glansryke grimering vir die kamera

akkreditasie
Jy weet hoe om te grimeer om elke dag op jou beste te lyk ... maar hoe gemaak dat jy ook op foto's jou mooiste self is? 'Boek Soek 'n Vrou' se grimeerkunstenaar gee raad.

Die afgelope paar maande het kykers elke Donderdagaand ingeskakel vir die jongste episode van 'Boer Soek 'n Vrou'. SARIE.com het onlangs gesels met Estelle Pretorius, grimeerkunstenaar en stilis, wat gesorg het dat die aanbieder Marciel Hopkins eksieperfeksie lyk. Estelle deel raad om te verseker dat enigeen natuurlik én glansryk lyk wanneer jy voor die kameralens verskyn.

Beklemtoon jou natuurlike skoonheid

Tydens verfilming was dit vir Estelle belangrik om op ’n natuurlike voorkoms vir Marciel te fokus. “My benadering met enige gesig wat ek grimeer, is om altyd hul natuurlike skoonheid te beklemtoon en aandag op die persoon se unieke gelaatstrekke te plaas. Marciel is van nature besonders beeldskoon en my benadering tot haar grimering en stilering op stel was altyd om haar natuurlike skoonheid te beklemtoon en nie te oorskadu nie.”

FOTO Instagram / Marciel Hopkins

Kry Marciel se 'Boer Soek ’n Vrou'-voorkoms só

1. Berei jou vel met ’n vogroom en ’n basislaag voor.

2. Gebruik ’n dun lagie onderlaag om ’n egalige gelaat te skep. Estelle hou daarvan om ’n onderlaag wat klein bietjie warmer as Marciel se velkleur is, te gebruik om haar gesig op te helder.

3. Gebruik verbloemer wat ’n klein bietjie ligter as jou onderlaag is en wend dit onder jou oë, sowel as in die binne- en buitehoeke van jou oë aan. Skakeer dit met jou vinger of ’n sponsie in.

4. Skep diepte deur ’n verbronser diagonaal teen jou wangbene aan te wend (trek ’n denkbeeldige lyn van die bo-punt van jou oor na die buitehoek van jou mond en wend dit bo die denkbeeldige lyn aan). Verbronser kan ook teenaan jou slape, voorkop en aan die kante van jou neus vir ’n songekusde voorkoms aangewend word.

5. Wend blosser ook diagonaal bo die verbronser en teenaan jou wangbeen aan om ’n natuurlike rooskleurige voorkoms te skep.

6. Kam jou wenkbroue in ’n opwaartse rigting om jou wenkbroue voller te laat lyk en vul dit liggies met ’n potlood, poeier of jel in. Hou jou wenkbroue mooi in plek deur ’n wenkbrou-jel te gebruik.

7. Beklemtoon jou oë deur ’n neutrale oogskadu oor jou hele ooglid aan te wend. Definieer die buitehoek van jou oog met ’n donkerder skakering wat jy in ’n C-vorm tot by die eerste derde van die vou van jou ooglid aanwend. Wend dan ’n ligte kleur in die binnehoek van die oog aan om ’n wakker en oop voorkoms te skep.

8. Rond jou oë met die neutrale skakering teenaan jou waterlyn af. Wend dan oogomlyner bo-op jou ooglid teen jou wimperlyn aan.

9. Wend so paar lae maskara vir trefkrag aan. Moenie van jou onderste wimpers vergeet nie, dít laat jou oë groter lyk.

10. Kies ’n lekker donker- of helder lipstiffie om jou grimeervoorkoms mooi af te rond.

11. Spuit ’n laag grimeersproei oor jou hele gesig om seker te maak dat jou grimering langer hou.

Is jy reeds kamera-gereed? Deel jou glansryke voorkoms met die wêreld en skryf in vir vanjaar se SARIE Voorbladgesig of SARIE Nuwe Gesig wedstryd. Inskrywings sluit 10 Mei. Wedstryd vind plaas in trotse samewerking met Isa Carstens.

marciel hopkins voorblad
Natuurlik en glansryk: Marciel Hopkins op die Maart/April-uitgawe van SARIE se voorblad. FOTO Leana CR

Jy ís genoeg! Gryp die kans aan om op SARIE se voorblad te verskyn - skryf in vir SARIE Voorbladgesig of SARIE Nuwe Gesig. Inskrywings is oop tot 10 Mei. In trotse samewerking met Isa Carstens.


JONGSTE UITGAWE

NOVEMBER/DESEMBER 2021

JONGSTE UITGAWE
SARIE is dié glanstydskrif van die Afrikaanssprekende vrou van Suid-Afrika.
Begin lees
Nuusbriewe: Registreer gratis

Registreer vir ons nuusbrief en bly op hoogte van die jongste SARIE-nuus.

Klik vir nuusbriewe
SLIMMER MET SARIE

Tuiskokke, raak slimmer met SARIE!

SLIMMER MET SARIE
Skerp jou vaardighede op met Herman Lensing se kookkursus.
Sien meer
SARIE BRUID: (VER)KOOP MY ROK EN ANDER DIENSTE
SARIE BRUID: (VER)KOOP MY ROK EN ANDER DIENSTE
Splinternuut! Nou kan jy ander bruide inspireer met jou trourok, -produk of -diens. Of inspirasie vir jou droomtroue binne die SARIE-wêreld kry.
Begin lees