Die afgelope week is die nuutste modereekse vir Lente/Somer 2019 in Milan, Italië, ten toon gestel. Modelle vir voorste modehuise soos Prada, Versace, Missoni, Moschino en Max Mara het almal ’n draai op die loopplank gemaak. Maar nie net was die modes asemrowend nie, veral één treffende grimeervoorkoms het aandag getrek.
Op die meeste modelle se oë was net een kleur oogskadu, met ’n wasige, byna deursigtige afwerking, soms met ’n bypassende metaalkleur afgerond. Sommige modelle se ooggrimering het verby die buite- en binnehoeke gestrek. Die aanwending is oneweredig en geskik vir ’n gewaagde aandvoorkoms.
Metaalkleure verhelder die monochromatiese voorkoms.
