Dis ironies hoe gereeld tendense van jare gelede weer ewe skielik gewild word. Nes ons dink dat sekere haarstyle en modes iets van die verlede is, kry dit weer ’n tweede lewe.
Die nuutste gier wat onder verdenking is, is die ‘perm’. Dié gewilde haartendens van die tagtigerjare begin weer voelers uitsteek. Bekendes soos die model Bella Hadid, Katie Holmes en Emily Ratajkowski se hare is onlangs in baie stywe krulle stileer.
Ons is nie seker of hulle vir permanente golwing by die haarsalon aangeklop het nie, maar dat hulle wel dié kenmerkende dun krulle met behulp van haarstilering naboots.
