Met haar krullebos op haar treffende wenfoto, het Yolani Abrahams, een van SARIE Voorbladgesig se wenners in 2017, SARIE-lesers se harte gesteel.
En ná daardie ikoniese wenvoorblad is ons trots om te sien hoe Yolani haar stempel afdruk. Dié patisseriesjef en mede-eienaar van die restaurant Kole & Deeg in Tulbagh is boonop ’n geliefde TV-sjef wat op kookprogramme soos Kookpunt en Spyskaart weekliks in ons sitkamers kuier.
Af en toe sal jy Yolani met reguit gestileerde hare sien, maar dis met haar kenmerkende krulhare wat ons haar leer ken het. Onlangs het Yolani op Instagram ’n foto van haar natuurlike lokke gedeel.
