Die afgelope paar jaar neem wenkbroue die skoonheidsindustrie oor. Hoe weliger en natuurliker, hoe beter. Ons probeer ons bes om die dae van yl geplukte wenkbroue wat potloodstrepie-dun is, te vergeet!
SARIE se skoonheidsredakteur, Monica van der Walt, het op SARIE.com verduidelik hoekom wenkbroue ons belangrikste gelaatstrek is. “Grimeerkunstenaars beklemtoon gereeld hoe belangrik dit is om nie jou wenkbroue af te skeep as jy grimeeer nie. Dit raam jou gesig en rond jou voorkoms af.” Lees meer hier.
Met die fokus op wenkbroue, is wonderlike tegnieke soos microblading, microshading en selfs wenkbrou-verlengings met ope arms verwelkom. Dié tegnieke het bewys dat dit nie nodig is om ons strewe na voller wenkbroue alleenlik in Moeder Natuur se hande oor te laat nie.
