Mooiste naels by New York Modeweek

Monica Pienaar

Die New York Modeweek het die afgelope week plaasgevind en hope nael-inspirasie op die loopplank opgelewer. Dié seisoen het verskeie modehuise pleks van subtiele kleure eerder helder, treffende style gekies.

Abstrakte ontwerpe en geometriese patrone soos strepe, kolle, sirkels en negatiewe spasies vat weer vlam. Dit is perfek vir akriel- en harde jelnaels omdat jy die nael langer kan bou en kan speel met patrone, sê Bonieta Sonnekus, plaaslike opleidingsbestuurder van O.P.I.

Rooi was ook supergewild en skakerings van helderrooi tot ’n donker wynrooi is gesien. Ons is ook mal oor die moderne weergawe van die Franse manikuur waarmee sommige modelle gespog het.