Die geur wat jy dra moet jou persoonlikheid komplementeer en jou smaak weerspieël. Het jy al ooit gedink watter tipe indruk jou gunsteling geur skep?
Soet geure is geneig om met sensualiteit en jeugdigheid gekoppel te word. Gourmand-geure is aanloklik, onweerstaanbaar en verleidend. Blomgeure is vroulik en speels. Geure met spesery-note skep ’n gevoel van warmte en misterie. Vrugtige geure herinner aan vakansie, dit skep ’n ontspanne gevoel en is vars. Prominente houtnote word met manlikheid geassosieer, perfek vir vroue wat selfvertroue en moderniteit wil omarm.
Ons word oorweldig met al die parfuums op winkelrakke. Boonop is dit ’n moeilike keuse om te neem, hoe kies jy die regte parfuum waarmee jy vir maande tevrede gaan wees?
