Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Rugby
Dobson skrik g'n vir Kaapse streke

Hy weet hy gaan hare op sy tande nodig hê om die Stormers deur die onstuimige waters van Superrugby te brei, maar dis ’n uitdaging waarvoor John Dobson aanstaande jaar kans sien.

John Dobson, wat van aanstaande jaar af die Stormers gaan afrig. Foto: Gallo Images

Tien jaar nadat hy by die Westelike Provinsie as afrigter aangesluit het, kry Dobson, huidige afrigter van die Streeptruie se Curriebeker-span, uiteindelik die kans om die Kapenaars se Super-span ook af te rig.

Hy neem volgende seisoen die leisels oor by die huidige afrigter, Robbie Fleck, wie se kontrak aan die einde van die seisoen verstryk.

Vir die slaggate, wat stoere ondersteuners en politieke druk insluit, sien die kaalkop-breier egter kans. Hy ken die terrein van afrigting in die Kaap en hy weet dis nie speletjies nie.

“Ek weet waardeur Fleckie gegaan het, so my oë is oop daarvoor,” het Dobson vandeesweek gesê.

“Toe Rob die afrigterspos in 2016 gevat het, het ek gedink ek is nog nie reg daarvoor nie. Hopelik nou, met die ervaring wat ek (tans met die span) gaan opdoen, en as ons goed genoeg vaar vanjaar, sal ek gereed wees om die taak volgende seisoen te verrig.”

Sy besluit om die breierleisels by Fleck oor te neem, was uiteindelik maklik, sê Dobson, ten spyte van alles wat met die werk gepaardgaan.

“Ek wou die beste span in die streek (in die Kaap) afrig voordat ek ook sou aanbeweeg. Ek het gedink die Curriebeker-reeks sou my einddoel wees, maar om eerlik te wees, die kompetisie is nie meer wat dit in die verlede was nie.”

Dobson het aanbiedinge van elders in die land en oorsee van die hand gewys om in Kaapstad as afrigter aan te bly. Hy het onder meer al sukses met die WP se o.21’s gesmaak en ook die destydse Vodacombeker-reeks en die huidige SuperSport-uitdaagreeks én die Curriebeker-kompetisie met die Streeptruie gewen.

Dobson reis vandag saam met die Stormers na Australasië.

Meer oor:  John Dobson  |  Stormers  |  Superrugby  |  Rugby
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.