book-icon Uitgawe Augustus 2020

Vars Idees: Pakplek vir jou wyn

akkreditasie
Mandjie van Basketly; plant van Garden Cafe
Mandjie van Basketly; plant van Garden Cafe

Foto’s Francois Oberholster en Henrique Wilding Stilering Marian van Wyk

By Jackie en Danielle Uitenweerde se huis in Somerset-Wes vang dié moderne wynrak dadelik die oog. Jackie is die eienaar van Design11, ’n maatskappy wat dekoratiewe staalskerms en strukture vir binne en buite die huis lasersny, en hy het self met die ontwerp vorendag gekom. Die rak, geïnspireer deur die seshoekige selle van ’n heuningkoek, is uit staal gesny en daarna met ’n poeier-deklaag in ’n sagte goue kleur afgewerk. Vriende het so baie daarvan gehou dat dit nou deel van Design11 se versameling geword het – dit staan bekend as The Hive en is in ’n verskeidenheid kleure te kry. 

Hans en Charlene Nieuwoudt het heelwat veranderings gemaak nadat hulle sowat vyf jaar gelede by dié huis in Die Boord, Stellenbosch, ingetrek het. Hierdie ruimte, wat oorspronklik deel van die kombuis was, is vandag deels ingangsportaal en deels vinoteek – ’n vertrek waarin die optimale toestande vir die bewaring en veroudering van wyn heers. Ontblote bakstene en die oorspronklike rou sementvloer dra by tot ’n outentieke kelderatmosfeer. Hans het die skuins rakke van laaghout gemaak en met 44 mm-dekstroke afgerond om te keer dat die bottels afgly. Die vinoteek se lugversorger hou die temperatuur konstant op 16 °C; vir isolasie is die spoumure met 70 mm-Isoboard gevul. Die Nieuwoudts wou ’n spesiale plek skep vir hul besonderse versameling. “Hans se reeks Meerlust Rubicons is vir hom kosbaar; ek het ook wyne uit 2003 en 2005, die jare waarin my kinders gebore is,” vertel Charlene.

Kry die volle storie
Teken in op Netwerk24 en kry vandag onbeperkte toegang tot gehalte-joernalistiek, brekende nuus, voorste Afrikaanse koerante en tydskrifte, blits-videoinhoud, podsendings, luisterboeke en meer.
Teken in
Reeds 'n intekenaar? Meld aan
Jongste uitgawe

Sep | Okt 2021

Jongste uitgawe
Kry jou praktiese, inspirerende gids vir die huis en tuin nou as ’n e-tydskrif.
Begin lees
Jongste uitgawe

WERF 2021

Jongste uitgawe
Kry jou praktiese, inspirerende gids vir jou werf nou as ’n e-tydskrif.
Begin lees