Vraag: Ek is mal oor die mat in Antoinette Stockley se sitkamer op bladsy 35 van die Junie 2020-uitgawe; waar is dit gekoop? – Jeanne de Klerk, Upington

Antwoord: Die mat is vir haar uitgesoek deur Oak Corner Interiors.

Vraag: In watter kleur is die kas onder die ronde venster op bladsy 20 van Maart 2020 se uitgawe geverf? – Ina Ehlers, Durbanville

Antwoord: Probeer ’n sagte grys soos Divine Diana van Duram of Lourain’s Cream van Tjhoko Paint.

Vraag: Hoe bly die meubels op die stoep onder die latte-dak op Maart 2020 se voorblad droog? – Faith Bischof, Germiston

Antwoord: Die dak is bedek met gegolfde polikarbonaatdakplate wat jy by verskaffers soos Builders of BUCO kan koop.

Vraag: Waar kry Kelly Croeser die pragtige geblomde lap en bypassende deken op bladsy 11 van die Mei 2020-uitgawe? – Jane Ellis via Facebook

Antwoord: Kelly het die lap teen ’n afgemerkte prys gekry by Global Fabrics, ’n lapwinkel in Vishoek. Sy was net dol op die motief en het dit gekoop sonder dat sy geweet het waar sy dit gaan gebruik.