Stilering Marian van Wyk, Amanda van Wyngaardt en Nelia Andrag l Foto’s Francois Oberholster, Greg Cox, Henrique Wilding, Elza Cooper en Stephané van Eck
Dié tropiese plakpapier van Groen Bespoke Wallpaper het dadelik haar oog gevang toe Carla van der Merwe van die Boschenmeer-landgoed in die Paarl iets gesoek het om haar slaapkamer mee te verfris. “Ek is lief vir die buitelug, daarom wou ek spesifiek iets hê wat die natuur sou binnenooi,” verduidelik sy. “Hoewel die ontwerp nogal dramaties is, is dit nie ‘swaar’ nie en helder dit die vertrek op. Dit skep ’n rustige atmosfeer in die kamer.”
“Botaniese en blom-ontwerpe is soos die ‘little black dress’ van muurpapier,” sê Alana Groenewald, die ontwerper agter Groen Bespoke Wallpaper se skeppings.
