Maak jou eie kruieboks

Inkopielys

• paletplanke van ± 20 x 90 mm, soos volg gesaag:
  • agttien 1000mm-lengtes vier 210mm-lengtes
  • agt 400mm-lengtes
  • vyf 1040mm-lengtes
• palet-drabalke van ± 40 x 75 mm, gesaag in drie 350mm-lengtes
• honderd en twintig 6mm x 40mm- spaanderbordskroewe
• 120-grint-skuurpapier
• 1,5m Weed-Gard (onkruidbeheer- materiaal beskikbaar by Mango Moon Trading)

Gereedskap

• koordlose boor en 3mm-boorpunt
• potlood
• figuursaag
• maatband
• 16mm-plaatboorpunt
• winkelhaak
• kramskieter
• skerp mes

So maak jy

1. Skroef die drie 350 mm- drabalke dwars oor vier 1000mm- planke vas – een drabalk op elke ent en een in die middel. Dit skep die bodem.

2. Sit drie 1 000 mm-planke langs mekaar neer en skroef ’n 210mm-plank haaks oor elke ent vas sodat daar 20mm speling aan die een kant is – dis waar die bodem moet inpas.

3. Skroef nou die voor- en agterkant aan die bodem vas.

4. Draai die struktuur onderstebo en skroef drie 400 mm­planke oor elke oop sy vas om die kis te voltooi. Skroef twee 1000mm­planke op elke hoek van die kis vas. Wenk Skroef eers die planke teen die kort sye en dan dié teen die voor­ en agterkant vas.

5. Meet en merk 200 mm van die onderpunt van die pote af en skroef ’n 400mm­plank as rakstut onder die merk aan elke kant vas. Maak die kis regop staan, spasieer drie 1040mm­planke oor die stutte en skroef vas. Rond die kis se voor­ en agterkant af deur die oorblywende twee 1040mm­planke van onder af tot teen die bodem te skuif en vas te skroef. Skuur die hele kis liggies glad.

6. Gebruik die 16mm­plaatboorpunt en boor ’n paar gate in die bodem van die kis vir dreinering. Voer nou die hele kis met die Weed­Gard uit en skiet dit met die kramskieter vas. Sny die oortollige Weed­ Gard met ’n skerp mes af.