book-icon Uitgawe Mei l Junie 2021

Maak ’n nuttige bedbankie vir jou voetenent

akkreditasie
0:00
play article
Intekenare kan na hierdie artikel luister
By die voetenent van jou bed, naby die voordeur, in jou vakansiehuis of Airbnb... Vir dié bankie is daar oral nut.

Foto’s Ed O’Riley

Wat jy nodig het

INKOPIELYS

• 19 mm- gelamineerde dennehout, in die volgende dele gesaag:

twee 1 300 x 300 mm (voor- en agterkant)

twee 350 x 300 mm (sye)

een 1 262 x 350 mm (bodem)

een 1 350 x 430 mm (deksel)

een 1 262 x 100 mm (stut vir die skarniere)

vier 100 x 100 mm (blokkies vir die pote)

• vier pote met T-moere

• twee skarniere

• een pakkie 6 mm x 40 mm-spaanderbordskroewe

• een pakkie 8 mm x 30 mm-spaanderbordskroewe

• Alcolin Fast Set Glue

• 150-grint-skuurpapier

• houtvuller

GEREEDSKAP

• koordlose boor en 3 mm- en 9 mm-boorpunt

• potlood

• maatband

• hamer

PROJEKGIDS

Harde werk 4/10

Vaardigheidsvlak 4/10

Tyd nodig 1 tot 2 uur

Maak dit vir ± R1 520:

Hout R1300,

pote R80,

skarniere R40,

skroewe R40,

gom R40,

skuurpapier R20

PROJEKNOTAS

• Meet versigtig.

• Skuur jou planke vooraf.

• Onthou om gidsgaatjies te boor.

1 Lym en skroef die twee 350 mm-sye tussen die ente van die 1 300 mm-voor- en agterkant vas om die raam vir die kis te maak.

2 Lym en skroef die 1 262 mm-bodem op sy plek tussen die vier raamsye vas. Skroef nou die 1 262 mm-stut vir die skarniere bo teen die rugkant vas. Meet en merk die plek vir die skarniere – 150 mm van elke sy – en skroef vas. Plaas die kis op sy rugkant langs die deksel sodat laasgenoemde ewe ver by elke sy verbysteek, en skroef die skarniere aan die deksel vas.

3 Boor ’n 9 mm-gat in die middel van elk van die vier 100 x 100 mm-blokkies vir die pote en kap die T-moere daarin vas. Lym en skroef ’n blokkie op elke hoek aan die onderkant van die kas vas en draai die pote in. Vul al die skroefgate met houtvuller en skuur glad wanneer dit droog is. Verf of vernis die bankie in die kleur of afwerking van jou keuse.

Het jy geweet?
DIY Deon is nie voltyds in Tuis se diens nie, maar bedryf sy eie onderneming. Dié vakman kan enigiets onder die son maak – van bankies soos dié tot kombuis- en klerekaste. Indien jy Deon se dienste nodig het, e-pos hom by deon@diydeon.co.za of bel hom by 084 589 5026.

Jongste uitgawe

Februarie | Maart 2023

Jongste uitgawe
Kry jou praktiese, inspirerende gids vir die huis en tuin nou as ’n e-tydskrif.
Begin lees
Jongste uitgawe

OPKNAP

Jongste uitgawe
Die jaarlikse Tuis Opknap-gids is nou te koop, met inskrywings uit ons jaarlikse Regruk met Flair-wedstryd, aangebied in samewerking met JoJo.
Begin lees