Wat jy nodig het:

  • Gelamineerde-dennehoutplank (sowat 1 m x 40 cm)
  • hake
  • alfabet-stensil
  • nie-permanente aanspuitgom
  • skroewedraaier
  • Woodoc Water-Borne Clear Matt
  • Woodoc Colours in Full Moon en Red
  • houers om in te meng
  • klein sponsroller en bak
  • verfkwas

Só maak jy:

1 Meng die Woodoc Water-Borne Clear Matt met die Woodoc Colours Full Moon en wend twee lae aan die plank. Laat dit tussen lae droog word.

2 Meng ’n bietjie Woodoc Water-Borne Clear Matt met die Woodoc Colours Red.

3 Meet en merk op die plank waar jy die voorletters wil hê. 

4 Spuit gom op die agterkant van die stensil en posisioneer dit waar jy die letter wil hê. 

5 Gooi ’n bietjie van die rooi Water-Borne-mengsel in die verfbak en bring die eerste voorletter met die verfroller aan; herhaal met die ander voorletters.

6 Meet en merk waar die hake moet sit. Skroef dit op die regte plek vas en hang die “kapstok” by jou voordeur om alles netjies te hou.