book-icon Uitgawe Mei l Junie 2021

Naweekprojek: Stoffeer jou bêrebankie

Vennootskapveldtog Vennootskapveldtog
Oranje kussings en bankie se lap (tafeldoek) van Mr Price Home; grys kussing, dekens, kwilt en lamp van Woolworths
Oranje kussings en bankie se lap (tafeldoek) van Mr Price Home; grys kussing, dekens, kwilt en lamp van Woolworths
Stoffeer jou bêrebankie met Alcolin Contact Adhesive, spons en mooi lap.

Foto’s Ed O’Riley

INKOPIELYS

• Alcolin Contact Adhesive

• ’n stuk spons net so groot soos die bankie se blad

• watteersel

• materiaal van jou keuse (Sorg dat die watteersel en stoffeerlap minstens 25 cm langer en breër as die bankie se blad is.)

GEREEDSKAP

• gom-aanwender

• skêr

• kramskieter

PROJEKNOTA

Ons het die blad afgeskroef voor ons dit gestoffeer het.

1 Wend Alcolin Contact Adhesive oor die blad en oor een kant van die spons aan. Gee die twee oppervlakke sowat 5 minute kans om taai te word; plaas dan die spons op die blad en druk goed vas.

2 Sit die blad nou op die watteersel neer met die spons na onder. Vou die watteersel oor die blad en kram dit aan al vier sye vas. Sny enige oortollige watteersel af.

3 Herhaal stap 2 met die stoffeerlap, maar vou die rande om vir ’n soom. Kram eers teenoorstaande sye en trek die lap styf terwyl jy werk; begin in die middel van elke sy en werk na die hoeke toe. Wanneer jy klaar is met die sye, vou die hoeke netjies (soos wanneer jy ’n pakkie toedraai) en kram vas.

Laastens

Skroef die blad weer aan die bankie vas.

Besoek www.alcolin.com vir produkinligting of skakel die Sticky Questions-hulplyn tolvry by 0800 222 400 vir raad.

Jongste uitgawe

Okt | Nov 2021

Jongste uitgawe
Kry jou praktiese, inspirerende gids vir die huis en tuin nou as ’n e-tydskrif.
Begin lees
Jongste uitgawe

WERF 2021

Jongste uitgawe
Kry jou praktiese, inspirerende gids vir jou werf nou as ’n e-tydskrif.
Begin lees