Wat jy nodig het

  • twee dennehoutstroke van 8 mm x 44 mm x 3 m
  • liniaal
  • 16 mm-spaanderbordskroewe
  • skroewedraaier
  • figuursaag
  • Woodoc Water-Borne FLOOR Clear Matt
  • Woodoc Colours in Full Moon
  • verfkwas
  • 6 hangende plantpotte
  • plante
  • grond
Foto: Francois Oberholster

Só maak jy

1 Saag die houtstroke in die volgende lengtes, of vra jou houtverskaffer om dit vir jou te doen:

  • twee 1 m-lengtes
  • vier 700 mm-lengtes
  • vier 300 mm-lengtes

2 Rangskik die stroke in ’n latwerk-patroon, met ’n diamantpatroon tussen die stroke. Gebruik die liniaal om seker te maak die stroke wat in dieselfde rigting loop, is parallel.

3 Skroef die stroke vas waar dit mekaar oorkruis. Gebruik twee skroewe aan die agterkant om te keer dat die latwerk inmekaarvou.

4 Gebruik die figuursaag om die stroke se rande netjies te maak.

5 Meng ’n bietjie van die Woodoc Colours Full Moon met sowat 100 ml Woodoc Water-Borne FLOOR Clear Matt. Gooi ’n bietjie kleurlose Woodoc Water-Borne FLOOR Matt in ’n aparte houer uit.

6 Gebruik die verfkwas om die helfte van die latwerk met die wit mengsel te verf; meng dit met die kleurlose Woodoc Water-Borne FLOOR Matt soos jy na die middel toe werk. Gebruik net die kleurlosemengsel aan die teenoorstaande kant om die ombree-effek te skep. Laat dit droog word en herhaal die proses.

7 Trek ’n paar van die skroewe ’n entjie uit vir plek om die potte op te hang. Hang die latwerk teen jou muur en hang die potte aan die skroewe.