Projeknotas

• Ou houtmeubels is deurweek van die olie – maak deeglik skoon. Vind ook uit of dit vernis of met rou lynolie behandel is. Dié middels neem ongeveer 6 maande om te kuur voordat jy daaroor kan verf. 

• Dra liefs handskoene wanneer jy met lakverdunner werk. 

• Laat elke verflaag heeltemal droog word voor jy die volgende een aanwend. 

• Meng metaalverwe goed voor en gedurende gebruik.

Wat jy nodig het

• lakverdunner

• kaasdoek

• 50 mm- en 38 mm-verfkwas

• maskeerband (opsioneel)

• emmer water

• Tjhoko Paint in die kleure Sherif’s Stone en Charm’s Silver

• Tjhoko Paint Antique Brown Glaze

SÓ MAAK JY ...

1 Was die kas baie deeglik skoon met die lakverdunner en gee dit minstens 20 minute kans om droog te word. Plak maskeerband waar nodig.

2 Wend 2 lae Sherif’s Stone aan met die 50 mm-kwas. Laat elke laag goed droog word en wag dan 20–30 minute voor die volgende stap.

3 Roer die Charm’s Silver goed voor jy dit oor die Sherif’s Stone verf. Roer ook gedurende gebruik.

4 Wend 2–3 lae aan en gee die laaste laag sowat 4 uur kans om droog te word.

5 Maak ’n skoon stuk kaasdoek nat met water en droog die oortollige vog uit. Roer die Antique Glaze goed. Doop die 38 mm-kwas in die Antique Glaze en verf klein dele op ’n slag, veral in die groewe. Vryf dan dadelik met die klam lap bo-oor sodat die glasuur mooi inmeng met die silwer agtergrond; gebruik meer of minder glasuur na gelang van jou persoonlike voorkeur.

KONTAK Tjhoko Paint 073 206 3104, tjhokopaint.co.za