- 1 - lang, dun oranje patat, in dun skyfies gesny
- 'n hand vol - kersietamaties, liefs aan die stingel
- halwe - rooi ui, gekap
- 5 - pikantrissies, gekap
- - lemmetjiewiggies en basilie om voor te sit
- 30 ml - botter en olyfolie
- 500 g - stokvisfilette
- 1 - wiel feta, gekrummel
1 Voorverhit die oond tot 220 °C. Meng die patatskyfies met die botter en olie en sprei dit in ’n enkellaag uit in ’n bakplaat. Bak vir sowat 20 minute of tot die skyfies sag is.
2 Verhit die oond se roosterelement. Skuif die gaar patat effens na die kante en plaas die vis in die bakplaat sodat dit omring is met patat. Meng die pikantrissies, ui, tamaties en feta en strooi dit oor die vis. Geur ook na smaak met sout en peper.
3 Plaas nou die pan reg onder die oond se roosterelement totdat die vis gaar en die bolaag mooi gerooster is. Dun vissnitte sal binne 5–10 minute gaar wees; draai dikker stukke om sodat dit nog ’n bietjie kan rooster indien nodig. Sodra die vis maklik vlok, is dit gereed vir voorsit met die lemmetjie en basilie. Geniet dit met vars brood om al die lekker pansous op te mop.
