Texan-varksteak met blatjang

0:00
play article
Intekenare kan na hierdie artikel luister
Bereidingstyd: 10 minute
Porsies: 4-6
Gaarmaaktyd: 20 minute
Bestanddele
  • 3 - wortels, geskil en gerasper
  • 30 ml - blatjang
  • SLAAI -
  • 30 ml - olyfolie
  • 1 - groen appel, in blokkies gesny
  • 15 ml - vars suurlemoensap
  • 1 - Texan-varksteak (sowat 900 g)
  • 200 g - gesnipperde kool
  • 30 ml - jogurt
  • 60 ml - romerige mayonnaise
  • 4 - groot of 12 klein meeltortillas, in ’n droë pan gebraai
Metode
’n Heerlike fees vir ’n weeksaand!

1 Haal die vleis uit die vakuumverpakking en knip die swoerd om die vleis af met ’n skerp kombuisskêr. Vryf oraloor met die olie.

2 Braai nou die vleis oor warm kole of in ’n warm pan op die stoof, of rooster dit op ’n draadrakkie oor ’n bakplaat in ’n warm oond teen 200 °C totdat die vleis goudbruin alkant is (draai om soos nodig). Ná sowat 15 minute behoort die vleis so te sê gaar te wees. Verf oraloor met die blatjang en braai (of bak) nog 5 minute tot glansend. Laat die vleis ’n paar minute rus voor jy dit in dun skyes sny.

3 Maak die slaai deur al die bestanddele te meng; geur met sout en peper na smaak. Skep die vleis en slaai op die tortillas en smul. 

Jongste uitgawe

Februarie | Maart 2023

Jongste uitgawe
Kry jou praktiese, inspirerende gids vir die huis en tuin nou as ’n e-tydskrif.
Begin lees
Jongste uitgawe

OPKNAP

Jongste uitgawe
Die jaarlikse Tuis Opknap-gids is nou te koop, met inskrywings uit ons jaarlikse Regruk met Flair-wedstryd, aangebied in samewerking met JoJo.
Begin lees