1 Klop dit! Brabantia Tasty+-klitser in donkergeel R129, home.co.za

2 Om meer werk te skep en minder materiaal tydens die maak van hul losstaande kombuiskaste te laat verlore gaan, het die span by Milestone Kitchens ’n nuwe reeks, Milestone Smalls, bekend gestel. Kry hierdie pragtig vervaardigde, nuttige kombuisware by milestonesmalls.co.za of loer in by hul vertoonlokaal by 6de Straat 52 in Randburg, Gauteng.

3 Ocean Dipped Crackle-eetborde (Coral en Aqua) R65 elk; Ocean Stripe-eetborde R59,95 elk; Ocean-waterglase R69,95 elk, woolworths.co.za

4 Lou Harvey-koelsak in gesinsgrootte R660, louharvey.co.za

5 Die nuwe plantgebaseerde kookboek Food That Loves You Back deur Amerae Vercueil (R400, Penguin Random House) bied groente so lieflik aan dat dit jou gaan inspireer om nie net Maandae vleisvry te eet nie! As jy al ooit gewonder het hoe om met spruitkool, geblikte artisjokke, preie of lensies te toor, het dié boek die antwoord. Daar’s ook gesonde koolhidrate soos olyfolie-pasteideeg, saad-enhawerbrood en platbrode. Vir ’n soet bederfie, probeer Amerae se piesang-gemmerbrood of indrukwekkende dadel-en-sjokoladekoek met sjokolade-ganache.

6 Die veeldoelige Kitchen Helper deur Eine Kleine Kind (900 mm Hx480 mm x 400 mm D, R1 750) word van duursame 18 mm-beukelaaghout gemaak onontbeerlik in kindervriendelike kombuise. Dit gee die kleingoed die nodig hoogte om ’n handjie te kan bysit op kombuis-werkblaaie, terwyl ’n sperpla keer dat hulle agteroorval. Kyk by einekleinekind.co.za vir meer.

1 Hierdie vernuftige 500ml-koffiebekers van bamboes, met ’n silikoondeksel en -greep (R90 elk, roomservicehomeware.co.za), is antibakteries en bioafbreekbaar. 

2 Grand Vin de Stellenbosch Sauvignon Blanc 2020 (R195, stellenviewwines.com) is ’n lewendige enkelkultivarwyn met kenmerkende appelliefie-aromas op die neus, aangevul deur ’n vars surigheid. Geniet dit op sy eie of saam met seekos en pluimveegeregte. 

3 Be Bright se beeskollageenpoeier is halaal en kosher, en terwyl dit help dat jou ingewande gesond bly en optimaal werk, bestry dit ook lyntjies en fyn plooie in jou vel, droë en bros hare, swak naels en gewrigspyn. Meng die poeier in jogurt, strooi dit oor ontbytgraan, roer dit by tee of koffie en voeg dit by sop, bredies of souse. Be Bright vervaardig gesondheidsaanvullings onder aanvoering van ’n span wat uit net vroue bestaan. Kry hul produkte by bebright.co.za en in Woolworths (woolworths.co.za) se skoonheid-/gesondheidsafdeling.

4 Met gawe bestanddele soos bosbessies, wildeals, boegoe en GanedenBC30- probiotikum is ’n Sir Fruit Probiotic Cranberry Shot (R21,99, sirfresh.co.za) die beste ding vir jou spysverteringstelsel!

5 Met hul Elephant’s Cousin-wyne help Shoprite & Checkers plaaslike wynkelders om surplus-voorraad tydens die Covid-19-pandemie te verminder. Soos met hul gewilde Odd Bins-reeks bly die presiese oorsprong van die wyn ’n geheim – só maak hulle seker dit bly bekostigbaar en toeganklik. Dié beperkte reeks sal net te koop wees solank groot hoeveelhede oortollige wyn beskikbaar is. Sien shoprite.co.za.

6 Le Parc By Tashas het uiteindelik sy deure by Hyde Park Corner geopen. Besoekers aan dié kos-en-koop-emporium kan uitsien na ’n genotlike ervaring! Die spyskaart sluit verruklike Franse geregte soos ratatouille-eiers met ’n slaai van brosgebraaide eiervrug en gerookte salm in, en moenie die roomys en varsgebakte brood vergeet nie! Die deli bied meer as 300 produkte aan, waaronder fyngebak, linne en breekware. Besoek leparcbytashas.com.

7 Freely (R79,99 vir vier 275 ml-glasbottels), ’n suikervrye, lae-alkohol-soda, word deur ’n klein plaaslike produsent gemaak van vonkelwater, ’n skeut gehalte-wodka en suiwer vrugte vir geur. Dis net by Checkers-drankwinkels beskikbaar in die geure Zesty Lime, Perky Peach en Wild Berry.