1. Maak die vulsel Voorverhit die oond (Oondtemperatuur: 200°C). Sprei die botterskorsie, ui, knoffel en tiemie in ’n oondbak uit, geur met sout, peper en neutmuskaat en sprinkel die olyfolie oor. Rooster tot goudbruin en sag (sowat 25 minute).

2. Haal die pampoen uit die oond, meng die ricotta en melk by en verwerk tot ’n gladde puree. Verwyder die worsies se velletjies, krummel die vleis en braai tot bros. Meng dit dan met die botterskorsiepuree. Maak seker die vleiskorrels is klein genoeg om deur ’n spuitsak se punt te gaan. As dit ’n weggooibare sak is, kan jy die punt groter knip indien nodig. Draai die oondtemperatuur af na 180°C. 

3. Skep die passata-tamatiesous op die bodem van ’n oondbak. Geur met die vars kruie, sout en swartpeper. Maak die cannelloni-buise regop staan in die sous (die aantal buise het goed in ons bak van 31 cm in deursnee gepas). Skep die vulsel in ’n spuitsak en vul al die buise daarmee.

4. Klits die suurroom en parmesaankaas vir die witsous saam en verdun dit met die melk. Skep die sous oor die hele bak. Strooi die mozzarella oor, sit die deksel op en bak vir sowat 30 minute. Verwyder die deksel en bak vir nog 10 minute of tot gaar. Smelt die botter en braai die salieblare en dennepitte tot dit begin bruin word. Drup dadelik oor die gaar cannelloni en lê weg.

WENK
Ons is mal oor die tekstuur van botterskorsie, maar jy kan beslis ook pampoen gebruik.