Bier-karamelhoender

akkreditasie
0:00
play article
Intekenare kan na hierdie artikel luister
Foto: Francois Oberholster
Foto: Francois Oberholster
Bereidingstyd: ’n paar uur
Porsies: 6
Gaarmaaktyd: 1 uur 15 min.
Bestanddele
  • 45 ml - ryswynasyn
  • 2 - stukke steranys
  • 1 - stuk pypkaneel
  • 1 - groot heel hoender
  • 30 ml - vissous
  • 2 - lourierblare
  • 250 ml - lager
  • 200 ml - bruinsuiker
  • 1 - rooi brandrissie
  • - SOUS
  • 125 ml - sojasous
  • 2 - knoffelhuisies, gekneus
  • 2 cm - vars gemmer, geskil en gekap
  • 125 ml - water
Metode
Die klewerige soet-sout sousie is vingerlek-lekker!

Oondtemperatuur: 160 °C

1 Maak die sous Roer die suiker en water saam in ’n klein kastrol oor matige hitte tot al die suiker opgelos is. Bring tot kookpunt en kook, sonder om te roer, tot die karamel ’n diep, ryk kleur het. Voeg die bier versigtig by (dit kan sis en spat). Roer weer totdat die sousie glad is. Voeg die res van die bestanddele by en laat heeltemal afkoel.

2 Plaas die hoender met die rugkant na bo op ’n kapplank; knip die ruggraat aan albei kante met ’n skerp kombuisskêr los van die karkas en verwyder. Keer dan die hoender om, vou die boudjies aan weerskante van die hoender in sodat die dye na buite wys en druk met die palm van jou hand op die bors tot dit plat lê. Sit die hoender in ’n oondbak, giet die sous oor, bedek en laat dit in die yskas marineer vir ’n hele paar uur as jy tyd het (dis nie noodsaaklik nie, maar bou heerlike geur). Draai die hoender af en toe om in die sous.

3 Voorverhit die oond. Bak die hoender sowat 1 uur lank in die sous; bedruip gereeld. Sit die hoender met die pansous voor met rys en roerbraaigroente, ’n strooisel vars koljander en geroosterde sesamsaad.

Jongste uitgawe

September 2022

Jongste uitgawe
Kry jou praktiese, inspirerende gids vir die huis en tuin nou as ’n e-tydskrif.
Begin lees
Jongste uitgawe

WERF 2021

Jongste uitgawe
Kry jou praktiese, inspirerende gids vir jou werf nou as ’n e-tydskrif.
Begin lees