book-icon Uitgawe November 2017

Botterskorsie-en-koeskoesslaai met tahinisous

akkreditasie
Foto: Francois Oberholster
Foto: Francois Oberholster
Francois Oberholster
Bereidingstyd: 20 minute
Porsies: 4–6
Gaarmaaktyd: 30–40 minute
Bestanddele
  • 30 g - geroosterde dennepitte
  • 15 ml - komynsaad
  • 1 - knoffelhuisie, gekneus
  • 1 kg - botterskorsie, in blokkies gesny
  • 5 ml - fyn koljander
  • 5 ml - kaneel
  • 30 ml - olyfolie
  • 250 ml - gekapte vars koljanderblare
  • 1 - rooi ui, gekap
  • 2,5 ml - fyn gemmer
  • 400 ml - koeskoes
  • 375 ml - groenteaftreksel
Metode
Tahini is ’n pasta gemaak van gemaalde sesamsaad. Dit het ’n ryk, neuterige geur en word dikwels in Midde-Oosterse kookkuns gebruik.

Tahinisous

  • 1 knoffelhuisie, gekneus
  • 45 ml vars suurlemoensap
  • 45 ml tahini
  • 30 ml water
  • 30 ml olyfolie

So maak jy ...

1 Voorverhit die oond. Meng die botterskorsieblokkies, knoffel, speserye en olyfolie. Geur met sout en peper en meng goed deur. Sprei dit dan op ’n bakplaat uit en oondrooster vir sowat 30 minute tot gaar.

2 Verhit die aftreksel in ’n kastrol tot kookpunt. Verwyder die kastrol van die plaat en voeg die koeskoes by. Sit die deksel op en laat vir 5 minute staan; roer die koeskoes dan los met ’n vurk.

3 Berei die tahinisous Meng die knoffel, suurlemoensap en tahini. Voeg die water en olyfolie by om dit te verdun, en geur na smaak.

4 Meng die botterskorsie, dennepitte, rooi ui, koljander en koeskoes en drup die tahinisous oor. Roer versigtig deur en sit voor.

Let wel Tahini is by die meeste supermarkte te kry.

Jongste uitgawe

Sep | Okt 2021

Jongste uitgawe
Kry jou praktiese, inspirerende gids vir die huis en tuin nou as ’n e-tydskrif.
Begin lees
Jongste uitgawe

WERF 2021

Jongste uitgawe
Kry jou praktiese, inspirerende gids vir jou werf nou as ’n e-tydskrif.
Begin lees