1 Skeur die brood in blokkies en meng die melk deur. Laat week vir sowat 10 minute. Druk enige oortollige melk uit die brood en keer die drooggedrukte brood uit in ’n mengbak.

2 Bring solank die aftreksel tot kookpunt in ’n kastrol.

3 Meng nou die eiers, spek, ui, parmesaankaas, pietersielie, sout, peper en neutmuskaat by die geweekte brood. Voeg genoeg meel by om ’n sagte “deeg” te vorm wat in balletjies gerol kan word. Rol die mengsel in 12 kluitjies van sowat 8 cm groot.

4 Kook nou die kluitjies in sarsies in die aftreksel vir ongeveer 15 minute. Hulle sal effens oppof en dryf. Skep uit met ’n gaatjieslepel en herhaal tot al die kluitjies gekook is. Sit twee per porsie voor met ’n ekstra strooisel bros spek en pietersielie.