1. Dop die eiers af en spoel dit onder koue water af. Halveer dit in die lengte met ’n skerp mes (probeer in een haal sny om ’n egalige oppervlak te kry). Skep die eiergele uit in ’n bak en hou die witte eenkant.

2. Druk die eiergele fyn met ’n vurk en meng met die res van die bestanddele – jy kan ook ’n staafmenger gebruik. Skep die vulsel in die eierwit-halfmane. Speel nou met die garnering.

Variasies:

  • Meng pleks van die mosterd ’n lepel basiliepesto by die eiergeelmengsel, sprinkel bros spek oor die gevulde eiers en garneer met ’n paar skaafsels parmesaankaas.
  • Voeg ’n teelepel roomkaas by die eiergeelmengsel en garneer die gevulde eiers met sky es gerookte hoender en baba-roket.
  • Linte gerookte salm, kappertjiesaad en avokado is ’n klassieke kombinasie. Vervang die mosterd met wasabi.
  • Meng krapvleis of gevlokte tuna by die eiergeelmengsel en geur na smaak met ’n knippie rooipeper en fyngekapte sprietui.
  • Sit ’n gaar sampioen of aspersiepunt op die gevulde eiers en draai ’n lint gerookte ham daarom. 
Kook só die perfekte eier

Sit altyd eiers in koue water in die pot om te keer dat dit kraak. Bring dan die water tot kookpunt. Jy kan op hierdie punt sorg dat die eiergele netjies in die middel van die eiers is deur hulle eers met ’n lepel kloksgewys, dan an kloksgewys en vir oulaas kloksgewys te roer. Sit die deksel op, draai die hitte op sy laagste en kook 3–4 minute vir ’n sagte eier, 6–7 minute vir halfsag, en 10–12 minute vir hard gekook. Dompel dadelik in koue water om die kookproses te stop.