1 Sit die aartappels heel in soutwater en kook tot sag (sowat 20 minute, afhangend van hoe groot hulle is).

2 Maak die sous Braai die sampioene in die helfte van die olie tot mooi goudbruin. Roer die pekanneute, knoffel, tamatiepasta en pietersielie by en geur met sout en peper na smaak.

3 Dreineer die aartappels, laat afkoel tot hanteerbaar en skil af. (Handskoene sal help; die aartappels moet verkieslik nog effens warm wees.)

4 Maak die aartappels fyn met ’n aartappelpers of werk dit deur ’n sif vir die beste resultaat.

5 Meng nou die eiergeel, sout, peper en neutmuskaat by die kapok, saam met genoeg meel tot ’n lekker hanteerbare “deeg”. Knie tot glad.

6 Verdeel die deeg in vier, rol elke stuk in ’n lang, eweredige wors sowat 1,5cm dik en sny in happiegroot gnocchi. Rol elke happie in die semolina sodat dit ’n lagie reg rondom kry en kook die helfte van die gnocchi op ’n slag in soutwater totdat dit dryf – dan is dit gaar. Skep uit met ’n gaatjieslepel reguit in die warm sampioensous. Herhaal met die res van die gnocchi. Meng die sous deur en rond af met die res van die olyfolie en, as jy dekadent voel, ’n bietjie gerasperde parmesaan en varsgemaalde swartpeper.

Wenk Deur meel te sif, werk jy ’n klomp lug daarin, wat ’n lieflike, ligte tekstuur in die eindproduk verseker. Deur twee keer te sif, is dit twee keer beter!