Maak jou eie tortillas

akkreditasie
Meeltortillas is veelsydig en ’n regte staatmaker as jy vinnig moet kos maak.

Bestanddele

  • 500 g (5 x 250 ml) koekmeel, gesif
  • 2,5 ml bakpoeier
  • ’n knippie sout
  • 100 g botter of varkvet
  • ongeveer 150-200 ml warm water

So maak jy 

Meng die meel, bakpoeier en sout saam en vryf die botter in. Voeg geleidelik water by en meng dit om ’n stywe deeg te kry. Keer die deeg op ’n meelbestrooide oppervlak uit en knie dit liggies vir sowat 10 minute tot elasties. Verdeel die deeg in 12 ewe groot balletjies, bedek dit met kleefplastiek en laat dit 20 minute in die yskas rus. Rol nou elke balletjie op ’n meelbestrooide oppervlak uit tot dit tussen 25 en 30 cm groot is – hoe dunner, hoe beter.

Verhit ’n dikboompan tot lekker warm. Braai nou die tortillas een vir een droog vir net minder as 1 minuut aan elke kant. Jy kan die gaar tortillas in ’n skoon vadoek warm hou. So nie kan jy dit laat afkoel, met waspapier tussenin opmekaar pak, in kleefplastiek toedraai en vries tot nodig.

Jongste uitgawe

Desember 2022 | Januarie 2023

Jongste uitgawe
Kry jou praktiese, inspirerende gids vir die huis en tuin nou as ’n e-tydskrif.
Begin lees
Jongste uitgawe

OPKNAP

Jongste uitgawe
Die jaarlikse Tuis Opknap-gids is nou te koop, met inskrywings uit ons jaarlikse Regruk met Flair-wedstryd, aangebied in samewerking met JoJo.
Begin lees