Mikrogolf-brandewynpoeding

akkreditasie
0:00
play article
Intekenare kan na hierdie artikel luister
Bereidingstyd: 20 minute
Porsies: 16 skywe
Gaarmaaktyd: 12 minute
Bestanddele
  • 80 ml - kakao
  • 375 ml - koekmeel
  • ’n knippie - kaneel
  • 180 ml - kanola-olie
  • 250 ml - ligbruinsuiker
  • 45 ml - botter
  • - kersies en neute as garnering
  • ’n knippie - sout
  • 375 ml - kookwater
  • 375 ml - kookwater, effens afgekoel
  • 5 ml - vanieljegeursel
  • - STROOP
  • 5 ml - vanieljegeursel
  • ’n knippie - sout
  • 250 ml - ligbruinsuiker
  • - roomys of vla om voor te sit
  • 20 ml - bakpoeier
  • 3 - eiers, geklits
  • 80ml - brandewyn
  • 100 g - pekanneute, grofgekap
Metode
Niemand wat dié warm, stroperige poeding proe kan glo dat dit net ’n skamele 12 minute “bak” nie.

1 Meng die meel, bakpoeier, suiker, kakao en sout in ’n mengbak. Klits die eiers, olie en vanielje saam in ’n ander bak. Voeg dan die eiermengsel, kookwater en pekanneute by die droë bestanddele en klits tot net glad. Giet die beslag in ’n gesmeerde 2-liter-mikrogolfveilige bak en mikrogolf op hoog vir 12 minute. 

2 Maak die stroop terwyl die koek bak. Roer die botter, suiker en kookwater saam oor matige hitte tot al die suiker opgelos is. Bring tot kookpunt, draai effens af en laat prut driftig vir 5 minute. Roer die res van die bestanddele by en verwyder van die hitte. 

3 Haal die poeding versigtig uit die mikrogolfoond, druk oraloor gaatjies met ’n sosatiestokkie en giet die helfte van die warm stroop oor. Laat staan vir 5 minute voor jy ook die res van die stroop oorgiet.

4 Keer die poeding uit, garneer met kersies en neute en sny in dun skyfies. Sit voor met roomys, vla of al twee!  

Jongste uitgawe

Februarie | Maart 2023

Jongste uitgawe
Kry jou praktiese, inspirerende gids vir die huis en tuin nou as ’n e-tydskrif.
Begin lees
Jongste uitgawe

OPKNAP

Jongste uitgawe
Die jaarlikse Tuis Opknap-gids is nou te koop, met inskrywings uit ons jaarlikse Regruk met Flair-wedstryd, aangebied in samewerking met JoJo.
Begin lees