1 Verhit die olie in ’n swaarboompan en braai die lamskenkels goed bruin oraloor. Roer die uie by, braai vir nog ’n minuut en geur nou mildelik met sout en peper. Roer die bier by, skraap al die bruin deeltjies op die bodem los en laat prut tot die vloeistof met die helfte ingedamp het. 

2 Skep die skenkels en pansous oor in ’n diep oondbak en voeg die res van die bestanddele, behalwe die garam masala en kersietamaties, by. Bedek en rooster rustig in die oond vir 2 uur.

3 Haal die deksel af, roer die garam masala by die sous en proe of daar nog sout en peper kort. Skep die geroosterde tamaties bo-op en bak oop vir nog sowat 45 minute. Sit voor met rys en sambals.