1 Week die pruimedante oornag in die brandewyn sodat die geure kan intrek en die droëvrugte kan swel. (As die tyd knyp, kook dit ’n paar minute saam.)

2 Sny elke filet in vier stukke. Plaas die vleis met die gesnyde kant na bo op ’n kapplank en slaan effens platter met ’n vleishamer in skywe van sowat 2 cm dik. Geur goed met sout en varsgemaalde swartpeper.

3 Verhit die botter en olie in ’n pan en braai die vleis vinnig oor hoë hitte tot goudbruin alkante. Haal uit die pan en laat rus; behou die olie wat agterbly.

4 Braai nou die wortels en seldery in dieselfde pan tot glansend. Roer die knoffel, pruimedante, brandewyn en kruie by en kook tot amper al die vloeistof verdamp het.

5 Roer die meel by en braai ’n minuut. Klits die aftreksel en room by en kook tot die sous dik is. Skep die vleis terug in die sous en verhit tot deurwarm. Die vleis behoort danksy die rustyd deurgaar maar steeds sappig te wees (toets met ’n skerp mes). Sit dadelik voor met kapokaartappels en ’n groen slaai.