1 Neem ’n skerp mes of kombuisskêr en knip die vel bo-op die vetlaag, asook enige oortollige vet, af sodat daar net ’n 1 cm-lagie vet op die tjops oorbly. Kap die afgesnyde vet in blokkies en knip ook die swoerd in klein blokkies. 

Verhit ’n pan en braai die vet stadig uit  die blokkies totdat daar ’n goeie poeletjie smeersel in die pan is. Braai dan die blokkies vel tot bros; geur met ’n ruim  knyp seesout. Skep die vel uit maar behou die vet.

3 Geur die vleis alkante met salie, sout en swartpeper. Braai die tjops vetkant eerste (hou dit regop met ’n braaitang) totdat die vet goeie kleur het; herhaal aan die been- kant. Braai die tjops dan vir 2 minute aan ’n kant, draai om en braai nog  2 minute. Hou ’n spaan byderhand om die tjops plat in die pan te hou en te keer dat hulle omkrul terwyl die vleis oraloor kleur kry. Braai verder en draai om soos nodig vir ’n totale gaarmaaktyd van sowat 10 minute. Gebruik jou oordeel en laat die dikte van jou tjops die gaarmaaktyd bepaal. Skep uit en laat rus die vleis terwyl jy die sous maak.

4 Braai die uie en sampioene saam met die klont botter in dieselfde pan tot geurig. Klits die meel by en braai nog ’n minuut. Klits die aftreksel by en laat kook ’n paar minute tot die sous dik en glansend is. Roer die room by en sit die tjops terug in die sous. Verhit tot deurwarm en sit voor met kapokaartappels. Garneer met die bros  blokkies vel.

Wenk Maak jou aftreksel met dubbel die aanbevole hoeveelheid water om te verseker dat jou bruinsous nie oorweldigend sout is nie. Jy kan altyd nog sout byvoeg, maar as jou sous van die begin af te gekonsentreerd is, gaan jy sukkel om dit te balanseer.